Environment
വന്യജീവികളെ വെടിവെക്കാൻ ചക്കിട്ടപ്പാറ പഞ്ചായത്ത്
മനുഷ്യർക്ക് ഭീഷണിയാകുന്ന വന്യജീവികളെ വെടിവെച്ചുകൊല്ലുമെന്ന് ചക്കിട്ടപ്പാറ പഞ്ചായത്ത്. സർക്കാർ എതിർത്താൽ കോടതിയെ സമീപിക്കും. പഞ്ചായത്ത് സെക്രട്ടറിയുടെ വിയോജനക്കുറിപ്പ് സർക്കാരിലേക്ക് അയക്കും.
അബുദാബിയിൽ വളർത്തുമൃഗ രജിസ്ട്രേഷൻ നിർബന്ധം; സമയപരിധി പാലിക്കണമെന്ന് മുന്നറിയിപ്പ്
അബുദാബിയിൽ വളർത്തുമൃഗങ്ങളുടെ രജിസ്ട്രേഷൻ നിർബന്ധമാക്കി. ഫെബ്രുവരി 3 മുതൽ ആരംഭിച്ച പുതിയ ആനിമൽ ഓണർഷിപ്പ് സർവീസ് വഴിയാണ് രജിസ്ട്രേഷൻ. താം പോർട്ടൽ വഴി രജിസ്ട്രേഷൻ നടപടികൾ പൂർത്തീകരിക്കാം.
തിരുവാലിയിൽ വവ്വാലുകൾ കൂട്ടത്തോടെ ചത്ത നിലയിൽ
മലപ്പുറം തിരുവാലിയിൽ കാഞ്ഞിരമരത്തിൽ നിന്ന് പതിനഞ്ച് വവ്വാലുകളെ ചത്ത നിലയിൽ കണ്ടെത്തി. കനത്ത ചൂടാണ് മരണകാരണമെന്ന് സംശയിക്കുന്നു. പൂനെ വൈറോളജി ഇൻസ്റ്റിറ്റ്യൂട്ടിലേക്ക് സാമ്പിളുകൾ പരിശോധനയ്ക്ക് അയച്ചു.
വയനാട്ടിലെ തേയിലത്തോട്ടത്തിൽ പുലിയെ കണ്ടെത്തി
വയനാട് നെല്ലിമുണ്ടയിലെ തേയിലത്തോട്ടത്തിൽ പുലിയെ കണ്ടെത്തി. പ്രദേശവാസികൾ പകർത്തിയ ദൃശ്യങ്ങളിൽ മരം കയറുന്ന പുലിയെ കാണാം. വനം വകുപ്പ് ഉദ്യോഗസ്ഥർ സ്ഥലത്ത് പരിശോധന നടത്തി കൂട് സ്ഥാപിച്ചു.
വന്യജീവികളെ വെടിവെക്കാനുള്ള ചക്കിട്ടപ്പാറ പഞ്ചായത്തിന്റെ തീരുമാനത്തിനെതിരെ വനംവകുപ്പ്
മനുഷ്യർക്ക് ഭീഷണിയാകുന്ന വന്യജീവികളെ വെടിവെച്ചുകൊല്ലുമെന്ന ചക്കിട്ടപ്പാറ പഞ്ചായത്തിന്റെ തീരുമാനം ഭരണഘടനാ വിരുദ്ധമാണെന്ന് വനംവകുപ്പ്. പഞ്ചായത്ത് പ്രസിഡന്റിന്റെ ഓണററി വൈൽഡ് ലൈഫ് വാർഡൻ പദവി റദ്ദാക്കുമെന്നും മുന്നറിയിപ്പ്. പഞ്ചായത്തിലെ പത്ത് വാർഡുകളും വനത്താൽ ചുറ്റപ്പെട്ടിരിക്കുന്നതിനാൽ വന്യജീവി ആക്രമണങ്ങൾ വർധിച്ചിരിക്കുന്നതായി പഞ്ചായത്ത് അധികൃതർ ചൂണ്ടിക്കാട്ടുന്നു.
ലോകത്തിലെ ഏറ്റവും മലിനമായ 20 നഗരങ്ങളിൽ 13 എണ്ണം ഇന്ത്യയിൽ
ഐക്യു എയറിന്റെ 2024 ലെ ലോക വായു ഗുണനിലവാര റിപ്പോർട്ട് പ്രകാരം ലോകത്തിലെ ഏറ്റവും മലിനമായ 20 നഗരങ്ങളിൽ 13 എണ്ണവും ഇന്ത്യയിലാണ്. ഡൽഹിയാണ് ലോകത്തിലെ ഏറ്റവും മലിനമായ തലസ്ഥാനം. ഇന്ത്യയിലെ 35 ശതമാനം നഗരങ്ങളിലും വായു മലിനീകരണ തോത് WHO പരിധിയുടെ പത്തിരട്ടിയിലധികമാണ്.
വന്യമൃഗശല്യത്തിനെതിരെ നൂതന ഉപകരണം ‘അനിഡേർസ്’ കേരളത്തിൽ
വന്യമൃഗങ്ങളുടെ ശല്യത്തിൽ നിന്ന് ജനങ്ങളെ സംരക്ഷിക്കുന്നതിനായി "അനിഡേർസ്" എന്ന നൂതന ഉപകരണം കേരളത്തിൽ പ്രദർശിപ്പിച്ചു. കോഴിക്കോട് കൂടരഞ്ഞിയിൽ വെച്ചാണ് ഈ ഉപകരണത്തിന്റെ പ്രദർശനം നടന്നത്. 15 മീറ്റർ ചുറ്റളവിൽ ശരീര ഊഷ്മാവുള്ള ജീവികളെ കണ്ടെത്താനും ഉച്ചത്തിലുള്ള അലാറം മുഴക്കാനും ലൈറ്റുകൾ തെളിക്കാനും അനിഡേർസിന് കഴിയും.
കരുവാരക്കുണ്ടിൽ കടുവയിറങ്ങി; തിരികെ കാട്ടിലേക്ക് കയറ്റാൻ ശ്രമം
മലപ്പുറം കരുവാരക്കുണ്ട് കേരള എസ്റ്റേറ്റിൽ കടുവയെ കണ്ടെത്തി. വനം വകുപ്പ് സംഘം കടുവയെ കാട്ടിലേക്ക് തിരികെ കയറ്റാനുള്ള ശ്രമം ആരംഭിച്ചു. സൈലൻറ് വാലിയിൽ നിന്നാണ് കടുവ എത്തിയതെന്നാണ് നിഗമനം.
വിവാഹങ്ങളിൽ ഗ്ലാസ് വെള്ളക്കുപ്പികൾ മാത്രം; ഹൈക്കോടതി
വിവാഹ ചടങ്ങുകളിൽ പ്ലാസ്റ്റിക് വെള്ളക്കുപ്പികൾക്ക് പകരം ഗ്ലാസ് കുപ്പികൾ ഉപയോഗിക്കണമെന്ന് കേരള ഹൈക്കോടതി നിർദേശിച്ചു. നൂറിലധികം പേർ പങ്കെടുക്കുന്ന ചടങ്ങുകളിൽ പ്ലാസ്റ്റിക് ഉപയോഗിക്കാൻ ലൈസൻസ് വേണമെന്നും കോടതി വ്യക്തമാക്കി. റെയിൽവേ ട്രാക്കുകൾ മാലിന്യ മുക്തമായി സൂക്ഷിക്കണമെന്നും കോടതി നിർദേശിച്ചു.
കാട്ടുപന്നി ശല്യം: വെടിവെക്കാൻ ദുരന്തനിവാരണ ഫണ്ടിൽ നിന്ന് തുക
കാട്ടുപന്നി ശല്യം നിയന്ത്രിക്കാൻ തദ്ദേശ സ്ഥാപനങ്ങൾക്ക് സർക്കാർ സാമ്പത്തിക സഹായം പ്രഖ്യാപിച്ചു. ദുരന്തനിവാരണ ഫണ്ടിൽ നിന്ന് ഒരു ലക്ഷം രൂപ വരെ അനുവദിക്കും. വെടിവെക്കുന്നയാൾക്ക് 1500 രൂപയും സംസ്കാരത്തിന് 2000 രൂപയും നൽകും.
വന്യജീവികളെ വെടിവെക്കരുത്; കേന്ദ്ര വന്യജീവി ബോർഡ് കേരളത്തിന്റെ ആവശ്യം തള്ളി
ജനവാസ മേഖലകളിൽ പ്രശ്നങ്ങൾ സൃഷ്ടിക്കുന്ന വന്യജീവികളെ വെടിവെക്കുന്നതിനെതിരെ കേന്ദ്ര വന്യജീവി ബോർഡ്. പന്നി ഉൾപ്പെടെയുള്ള ജീവികളെ വെടിവെക്കാൻ സ്ഥിരമായി അനുമതി നൽകണമെന്ന കേരളത്തിന്റെ ആവശ്യം ബോർഡ് നിരാകരിച്ചു. വന്യമൃഗങ്ങളെ പിടികൂടി പുനരധിവസിപ്പിക്കണമെന്നാണ് ബോർഡിന്റെ നിർദേശം.
കരിക്കോട്ടക്കരിയിൽ മയക്കുവെടിവെച്ച കുട്ടിയാന ചരിഞ്ഞു
കണ്ണൂർ കരിക്കോട്ടക്കരിയിൽ ജനവാസ മേഖലയിലിറങ്ങിയ കുട്ടിയാനയെ മയക്കുവെടിവെച്ച് പിടികൂടിയിരുന്നു. ആറളം വളയഞ്ചാലിലെ ചികിത്സാ കേന്ദ്രത്തിലേക്ക് കൊണ്ടുപോകുന്നതിനിടെയാണ് ആന ചരിഞ്ഞത്. കീഴ്താടിയെല്ലിന് ഗുരുതരമായി പരുക്കേറ്റ നിലയിലായിരുന്നു കുട്ടിയാന.