Business News
Business News
യുപിഐയിൽ സ്പെഷ്യൽ കാരക്ടറുകൾ നിരോധനം
ഫെബ്രുവരി ഒന്നു മുതൽ യുപിഐ ട്രാൻസാക്ഷൻ ഐഡിയിൽ സ്പെഷ്യൽ കാരക്ടറുകൾ ഉപയോഗിക്കുന്നത് നിരോധിക്കും. നാഷണൽ പേയ്മെന്റ്സ് കോർപ്പറേഷൻ ഓഫ് ഇന്ത്യയാണ് നിർദ്ദേശം പുറപ്പെടുവിച്ചത്. ലംഘിക്കുന്നവർക്ക് കർശന നടപടികൾ നേരിടേണ്ടി വരും.
അനധികൃത യൂസ്ഡ് കാർ ഷോറൂമുകൾക്ക് കടിഞ്ഞാണിടാൻ ഗതാഗത വകുപ്പ്
ഗതാഗത വകുപ്പ് മാർച്ച് 31നു മുൻപ് യൂസ്ഡ് കാർ ഷോറൂമുകൾക്ക് ഓതറൈസേഷൻ നിർബന്ധമാക്കി. ഓതറൈസേഷൻ ഇല്ലാത്തവർക്കെതിരെ നിയമനടപടി സ്വീകരിക്കും. കേന്ദ്രം യൂസ്ഡ് കാർ വിൽപ്പനയിലെ ജിഎസ്ടി 18% ആക്കി ഉയർത്താൻ നിർദ്ദേശിച്ചിട്ടുണ്ട്.
വിഴിഞ്ഞം തുറമുഖം: വ്യാപാര വികസനത്തിന് പുതിയ പദ്ധതികൾ
കേരള സർക്കാർ വിഴിഞ്ഞം തുറമുഖത്തിലെ വ്യാപാരം 20 മേഖലകളിലേക്ക് വ്യാപിപ്പിക്കാൻ ലക്ഷ്യമിടുന്നു. അദാനി പോർട്ട്സ് പ്രത്യേക സാമ്പത്തിക മേഖല വികസിപ്പിക്കാനും പദ്ധതിയിടുന്നു. മികച്ച കണക്റ്റിവിറ്റി ഉറപ്പാക്കുന്നതിനുള്ള ശ്രമങ്ങളും നടക്കുന്നു.
കെഎസ്ഇബിയ്ക്ക് കമ്മീഷന്റെ രൂക്ഷ വിമർശനം
2023-24 വർഷത്തെ കണക്കുകൾ സമർപ്പിക്കുന്നതിൽ കെഎസ്ഇബി വീഴ്ച വരുത്തിയെന്ന് വൈദ്യുതി റഗുലേറ്ററി കമ്മീഷൻ. പൂർണമായ കണക്കുകൾ സമർപ്പിക്കാൻ കമ്മീഷൻ കെഎസ്ഇബിക്ക് അന്തിമ അവസരം നൽകി. വീണ്ടും വീഴ്ചയുണ്ടായാൽ കർശന നടപടി സ്വീകരിക്കുമെന്നും മുന്നറിയിപ്പ്.
നത്തിങ് ഫോൺ 3എ: പുതിയ മോഡലുമായി നത്തിങ് വീണ്ടും വിപണിയിലേക്ക്
മാർച്ച് നാലിന് നത്തിങ് ഫോൺ 3എ പുറത്തിറങ്ങും. മിഡ് ബജറ്റ് വിഭാഗത്തിൽ ശ്രദ്ധേയമായ മാറ്റങ്ങൾ കൊണ്ടുവരുമെന്നാണ് പ്രതീക്ഷ. 23,999 രൂപ മുതൽ 25,999 രൂപ വരെയായിരിക്കും ഫോണിന്റെ വില.
ചൈനീസ് എഐ ആപ്പ് ഡീപ്സീക്ക് ടെക് വ്യവസായത്തിൽ ഭീഷണിയുയർത്തുന്നു
ചൈനീസ് എഐ ആപ്ലിക്കേഷനായ ഡീപ്സീക്ക് ടെക്നോളജി രംഗത്ത് വലിയ ചലനങ്ങൾ സൃഷ്ടിക്കുന്നു. അമേരിക്കൻ ആധിപത്യത്തിന് കനത്ത തിരിച്ചടിയാണ് ഡീപ്സീക്ക് നൽകുന്നതെന്ന് വിദഗ്ധർ വിലയിരുത്തുന്നു. ആഗോള വിപണികളിലും ടെക്ക് കമ്പനികളുടെ ഓഹരി വിലയിലും ഇടിവുണ്ടാക്കാൻ ഡീപ്സീക്കിന് സാധിച്ചു.
സെബി മേധാവി സ്ഥാനത്തേക്ക് അപേക്ഷ ക്ഷണിച്ചു
സെബിയുടെ പുതിയ മേധാവിയെ തെരഞ്ഞെടുക്കുന്നതിനുള്ള നടപടികൾ ആരംഭിച്ചു. ഫെബ്രുവരി 17 വരെയാണ് അപേക്ഷ സ്വീകരിക്കുന്നത്. 5,62,500 രൂപയാണ് പ്രതിമാസ ശമ്പളം.
വിദ്യാർത്ഥി സംരംഭകർക്ക് ‘ഡ്രീംവെസ്റ്റർ 2.0’ പദ്ധതിയുമായി അസാപ് കേരളയും KSIDCയും
വിദ്യാർത്ഥികളുടെ സംരംഭകത്വ സ്വപ്നങ്ങൾക്ക് ചിറകു നൽകാൻ 'ഡ്രീംവെസ്റ്റർ 2.0' പദ്ധതിയുമായി അസാപ് കേരളയും KSIDCയും. മികച്ച 10 ആശയങ്ങൾക്ക് ഒരു ലക്ഷം രൂപ വീതം സാമ്പത്തിക സഹായം. ജനുവരി 31, ഫെബ്രുവരി 7 തീയതികളിൽ തിരുവനന്തപുരത്ത് വർക്ക്ഷോപ്പ്.
കേരളത്തിൽ മദ്യവില വർധനവ് ഇന്നുമുതൽ
കേരളത്തിൽ മദ്യവില വർധിച്ചു. പത്ത് രൂപ മുതൽ 50 രൂപ വരെയാണ് വില വർധനവ്. 62 കമ്പനികളുടെ 341 ബ്രാൻഡുകൾക്കാണ് വില വർധിപ്പിച്ചത്.
സാംസങ് ഗാലക്സി എസ്25 സീരീസ് ഇന്ത്യയിൽ
സാംസങ് ഗാലക്സി എസ്25, എസ്25+, എസ്25 അൾട്രാ എന്നീ മൂന്ന് പുതിയ സ്മാർട്ട്ഫോണുകൾ ഇന്ത്യൻ വിപണിയിൽ അവതരിപ്പിച്ചു. ആർട്ടിഫിഷ്യൽ ഇന്റലിജൻസ്, മികച്ച ക്യാമറ, ബാറ്ററി എന്നിവയാണ് ഈ ഫോണുകളുടെ പ്രത്യേകത. 21,000 രൂപ വരെ വിലയുള്ള ആനുകൂല്യങ്ങൾ പ്രീ-ഓർഡർ ചെയ്യുന്നവർക്ക് ലഭിക്കും.
കെഎസ്ആർടിസിയിൽ വമ്പൻ മാറ്റങ്ങൾക്ക് തുടക്കം; ജീവനക്കാർക്ക് ഒന്നാം തീയതി ശമ്പളം
കെഎസ്ആർടിസി ജീവനക്കാർക്ക് ഒന്നാം തീയതി തന്നെ ശമ്പളം ലഭിക്കും. ഗതാഗത വകുപ്പ് പൂർണമായും ഓൺലൈനാകും. സൂപ്പർഫാസ്റ്റ് ബസുകൾ എസി ബസുകളാകും.
അമുൽ പാലിന് വിലക്കുറവ്
അമുൽ പാലിന്റെ വില ലിറ്ററിന് ഒരു രൂപ കുറഞ്ഞു. ജനുവരി 24 മുതൽ പുതിയ നിരക്ക് പ്രാബല്യത്തിൽ. രാജ്യത്താകമാനം ഈ വിലക്കുറവ് ബാധകമാണ്.