Anjana

കേരളത്തിൽ മഴ മാറി നിൽക്കും; ഉത്തരേന്ത്യയിൽ ശക്തമായ മഴക്ക് സാധ്യത
കേരളത്തിൽ ഓഗസ്റ്റ് 15 വരെ മഴ മാറി നിൽക്കുമെന്ന് കേന്ദ്ര കാലാവസ്ഥാ വകുപ്പ് അറിയിച്ചു. എന്നാൽ, ചില പ്രദേശങ്ങളിൽ നേരിയ രീതിയിൽ മഴ പെയ്യുമെന്നും മുന്നറിയിപ്പുണ്ട്. അതേസമയം, ഉത്തരേന്ത്യൻ സംസ്ഥാനങ്ങളിൽ മഴ ശക്തമാകുമെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.

വയനാട് ഉരുൾപൊട്ടൽ ദുരന്തം: ഹൈക്കോടതി സ്വമേധയാ കേസ് പരിഗണിക്കും
വയനാട് ഉരുൾപൊട്ടൽ ദുരന്തത്തിൽ സ്വമേധയായെടുത്ത കേസ് കേരള ഹൈക്കോടതി ഇന്ന് പരിഗണിക്കുന്നു. ഉരുൾപൊട്ടൽ അടക്കമുള്ള പ്രകൃതിദുരന്തങ്ങൾ ഉണ്ടാകാതിരിക്കാൻ എന്തെല്ലാം നടപടികൾ സ്വീകരിക്കാൻ കഴിയുമെന്ന് സർക്കാരിനോട് കോടതി ആരാഞ്ഞിരുന്നു. വയനാട് ഉരുൾപൊട്ടൽ ദുരന്തവുമായി ബന്ധപ്പെട്ട ഫണ്ട് ശേഖരണം നിയന്ത്രിക്കണമെന്നാവശ്യപ്പെട്ടുള്ള പൊതുതാൽപര്യ ഹർജിയും ഇതേ ബഞ്ച് ഇന്ന് പരിഗണിക്കുന്നുണ്ട്.

പാരീസ് ഒളിമ്പിക്സിൽ നീരജ് ചോപ്രയ്ക്ക് വെള്ളി; പാകിസ്ഥാന്റെ അർഷദ് നദീം സ്വർണവും ഒളിമ്പിക് റെക്കോർഡും സ്വന്തമാക്കി
പാരീസ് ഒളിമ്പിക്സിലെ ജാവലിൻ ത്രോ മത്സരത്തിൽ നീരജ് ചോപ്രയ്ക്ക് വെള്ളി മെഡൽ നേടാനായി. പാകിസ്ഥാനിൽ നിന്നുള്ള അർഷദ് നദീം 92.97 മീറ്റർ എറിഞ്ഞ് സ്വർണവും ഒളിമ്പിക് റെക്കോർഡും സ്വന്തമാക്കി. ഗ്രനാഡയുടെ ആൻഡേഴ്സൺ പീറ്റേഴ്സിനാണ് വെങ്കലം.

ഭാരപരിശോധനയിൽ പരാജയപ്പെട്ടെങ്കിലും വിനേഷ് ഫോഗട്ടിന്റെ പോരാട്ടം വിജയകരം
വിനേഷ് ഫോഗട്ടിന്റെ ജീവിതത്തിലെ വിജയങ്ങളും പരാജയങ്ങളും ലക്ഷക്കണക്കിന് ആരാധകരുടെ കണ്ണുകൾക്ക് മുന്നിലാണ് അരങ്ങേറിയത്. പാരീസ് ഒളിമ്പിക്സിലെ 50 കിലോഗ്രാം വിഭാഗത്തിൽ ഭാരപരിശോധനയിൽ പരാജയപ്പെട്ടെങ്കിലും വിനേഷിന്റെ പോരാട്ടം വിജയകരമായിരുന്നു.

വയനാട്ടിലെ ദുരന്തത്തിന്റെ പശ്ചാത്തലത്തിൽ ഓണാഘോഷങ്ങളും ചാമ്പ്യൻസ് ബോട്ട് ലീഗും ഒഴിവാക്കി
വയനാട്ടിലെ പ്രകൃതിദുരന്തത്തിന്റെ പശ്ചാത്തലത്തിൽ സംസ്ഥാനത്ത് ഓണാഘോഷങ്ങളും ചാമ്പ്യൻസ് ബോട്ട് ലീഗും ഒഴിവാക്കിയതായി ടൂറിസവും പൊതുമരാമത്ത് വകുപ്പുമന്ത്രി പി.എ. മുഹമ്മദ് റിയാസ് അറിയിച്ചു. നൂറുകണക്കിന് ആളുകൾക്ക് ജീവൻ നഷ്ടപ്പെട്ട സമാനതകളില്ലാത്ത ദുരന്തമാണ് വയനാട് അനുഭവിച്ചത്.

വയനാട്ടിലെ രക്ഷാപ്രവർത്തകരെ അപമാനിച്ചതിന് യൂട്യൂബർക്കെതിരെ കേസ്
വയനാട്ടിലെ പ്രകൃതി ദുരന്തത്തിന്റെ പശ്ചാത്തലത്തിൽ രക്ഷാപ്രവർത്തനങ്ങളിൽ പങ്കെടുത്ത സൈന്യത്തെയും നടൻ മോഹൻലാലിനെയും അപമാനിച്ച് യൂട്യൂബ് ചാനലിലൂടെ അധിക്ഷേപ പരാമർശങ്ങൾ നടത്തിയ തിരുവനന്തപുരം സ്വദേശി അജു അലക്സിനെതിരെ പൊലീസ് കേസെടുത്തു. ചെകുത്താൻ എന്ന അക്കൗണ്ടിലൂടെ പ്രസിദ്ധനായ അജു അലക്സ് നിലവിൽ ഒളിവിലാണ്.

32 വർഷത്തിലേറെ പ്രവാസജീവിതം അവസാനിപ്പിച്ച് ചന്ദ്രമോഹനന് ഓഐസിസി യാത്രയയപ്പ്
ഒഐസിസി മലപ്പുറം ജില്ലാ മുൻ പ്രസിഡന്റ്റും നിലവിലെ നാഷണൽ കമ്മിറ്റി അംഗവുമായ ചന്ദ്രമോഹനന് 32 വർഷത്തിലേറെ നീണ്ട പ്രവാസജീവിതം അവസാനിപ്പിച്ച് നാട്ടിലേക്ക് മടങ്ങുന്നതിനെ അനുമോദിച്ച് ഓഐസിസി മലപ്പുറം ജില്ലാ കമ്മിറ്റിയുടെ നേതൃത്വത്തിൽ യാത്രയയപ്പ് സംഗമം സംഘടിപ്പിച്ചു. ദമാം ബദർ അൽ റാബി ഹാളിൽ നടന്ന സംഗമത്തിൽ ഓഐസിസിയുടെ നിരവധി നേതാക്കളും പ്രവർത്തകരും പങ്കെടുത്തു.

പാരിസ് ഒളിംപിക്സിൽ വീണ്ടും വെങ്കലം; ഇന്ത്യൻ ഹോക്കി ടീമിന്റെ ചരിത്രവിജയം
പാരിസ് ഒളിംപിക്സിൽ ഇന്ത്യൻ ഹോക്കി ടീം സ്പെയിനെതിരെ 2-1 നേട്ടത്തോടെ വെങ്കലം നേടി. ക്യാപ്റ്റൻ ഹർമൻപ്രീത് സിങ്ങിന്റെ ഇരട്ടഗോളുകളും പി.ആർ. ശ്രീജേഷിന്റെ മികച്ച പ്രകടനവുമാണ് വിജയത്തിന് നിർണായകമായത്. ഒളിംപിക്സിൽ രണ്ടാമത്തെ മെഡൽ നേടുന്ന ആദ്യ മലയാളിയായി ശ്രീജേഷ് മാറി.

ശബരി റെയിൽപാത: കേന്ദ്ര മന്ത്രിയുടെ പ്രസ്താവനയെ വിമർശിച്ച് മുഖ്യമന്ത്രി
മുഖ്യമന്ത്രി പിണറായി വിജയൻ കേന്ദ്ര റെയിൽവേ മന്ത്രിയുടെ പ്രസ്താവനയെ വിമർശിച്ചു. ശബരി റെയിൽപാത പദ്ധതിയുമായി ബന്ധപ്പെട്ട കേന്ദ്രമന്ത്രിയുടെ പ്രസ്താവന വസ്തുതകൾക്ക് നിരക്കുന്നതല്ലെന്നും രാഷ്ട്രീയ പ്രേരിതമാണെന്നും മുഖ്യമന്ത്രി ആരോപിച്ചു. കേന്ദ്രസർക്കാരും റെയിൽവേയുമാണ് പദ്ധതിയിൽ നിസ്സംഗ നിലപാട് സ്വീകരിച്ചതെന്നും അദ്ദേഹം പറഞ്ഞു.