Rishabh Pant to leave Delhi Capitals for Chennai Super Kings

അടുത്ത ഐപിഎൽ സീസണിൽ ഋഷഭ് പന്ത് ഡൽഹി ക്യാപിറ്റൽസ് വിട്ട് ചെന്നൈ സൂപ്പർ കിങ്സിലേക്ക് ചേക്കേറിയേക്കുമെന്ന് റിപ്പോർട്ടുകൾ പുറത്തുവരുന്നു. മഹേന്ദ്ര സിംഗ് ധോണിയുടെ ഐപിഎൽ കരിയർ അവസാനിപ്പിക്കുമെന്ന അഭ്യൂഹങ്ങൾ നിലനിൽക്കുന്ന സാഹചര്യത്തിലാണ് പന്തിന്റെ കൂടുമാറ്റ വാർത്തകൾ സജീവമാകുന്നത്. എന്നാൽ അടുത്ത സീസണിൽ ധോണി ചെന്നൈ സൂപ്പർ കിംഗ്സിനൊപ്പം ഉണ്ടാകുമോയെന്ന് ഇപ്പോഴും വ്യക്തമല്ല.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

2016ൽ ഡൽഹിക്കൊപ്പം കരിയർ തുടങ്ങിയ പന്ത്, നിലവിൽ ടീമിന്റെ ക്യാപ്റ്റനും ഏറ്റവും കൂടുതൽ മത്സരങ്ങൾ കളിച്ച താരവുമാണ്. 2021ൽ ശ്രേയസ് അയ്യരുടെ വിടവാങ്ങലിനെ തുടർന്നാണ് പന്ത് ഡൽഹി ടീമിന്റെ നായകസ്ഥാനത്തേക്ക് എത്തിയത്. എന്നാൽ ഓസീസ് ഇതിഹാസം റിക്കി പോണ്ടിംഗ് ഡിസി ഫ്രാഞ്ചൈസിയിൽ നിന്ന് വിടവാങ്ങുന്നതായി പ്രഖ്യാപിച്ചതോടെ പന്തും ടീം വിടാൻ തീരുമാനിച്ചതായാണ് റിപ്പോർട്ടുകൾ സൂചിപ്പിക്കുന്നത്.

പന്തിനെ വിട്ടുനൽകിയാൽ ഡൽഹി ക്യാപിറ്റൽസ് ഒരു വിക്കറ്റ് കീപ്പർ ബാറ്ററെയും പുതിയ ക്യാപ്റ്റനെയും കണ്ടെത്തേണ്ടി വരും. കഴിഞ്ഞ സീസണിൽ പന്ത് ഒരു മത്സരത്തിൽ വിട്ടുനിന്നപ്പോൾ യുവ ഇന്ത്യൻ ഓൾ റൗണ്ടർ അക്സർ പട്ടേലാണ് ഡൽഹിയെ നയിച്ചത്. അതേസമയം, ചെന്നൈ സൂപ്പർ കിംഗ്സ് ക്യാപ്റ്റൻ സ്ഥാനത്ത് ധോണിക്ക് പകരക്കാരനായി ഋതുരാജ് ഗെയ്ക്‌വാദിനെ ചുമതലപ്പെടുത്തിയിരുന്നെങ്കിലും വിക്കറ്റിന് പിന്നിൽ ധോണിക്ക് പകരക്കാരനെ കണ്ടെത്താൻ ചെന്നൈക്ക് ഇതുവരെ കഴിഞ്ഞിട്ടില്ല.

ബഹിരാകാശത്ത് ഇന്ത്യയുടെ 'നടക്കും യന്ത്രക്കൈ': ഐഎസ്ആർഒയുടെ നൂതന പരീക്ഷണം വിജയം

സിഡ്നി ടെസ്റ്റ്: ഇന്ത്യൻ ബോളർമാർ തിളങ്ങി; രണ്ടാം ഇന്നിങ്സിൽ പന്തിന്റെ വെടിക്കെട്ട്