കേരള സംസ്ഥാന ഭാഗ്യക്കുറി വകുപ്പിന്റെ നിർമൽ എൻആർ 386 ലോട്ടറിയുടെ നറുക്കെടുപ്പ് ഇന്ന് നടക്കുകയാണ്. ഒന്നാം സമ്മാനമായി 70 ലക്ഷം രൂപയും രണ്ടാം സമ്മാനമായി 10 ലക്ഷം രൂപയും ലഭിക്കും. മൂന്നാം സമ്മാനമായ ഒരു ലക്ഷം രൂപ 12 ടിക്കറ്റുകൾക്ക് ലഭ്യമാകും. 40 രൂപയാണ് ഒരു നിർമൽ ലോട്ടറി ടിക്കറ്റിന്റെ വില. ഇന്ന് ഉച്ചയ്ക്ക് മൂന്ന് മണിക്കാണ് നറുക്കെടുപ്പ് നടക്കുന്നത്. കേരള ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റുകളായ keralalotteryresult.net, keralalotteries.com എന്നിവയിൽ നിന്ന് ഫലം അറിയാൻ കഴിയും.
സമ്മാനത്തുക 5,000 രൂപയിൽ താഴെയാണെങ്കിൽ, കേരളത്തിലെ ഏത് ലോട്ടറി ഏജൻസിയിൽ നിന്നും അത് കൈപ്പറ്റാവുന്നതാണ്. എന്നാൽ 5,000 രൂപയ്ക്ക് മുകളിലുള്ള സമ്മാനങ്ങൾക്ക്, വിജയികൾ തങ്ങളുടെ ടിക്കറ്റും തിരിച്ചറിയൽ രേഖയും ലോട്ടറി ഓഫീസിലോ ബാങ്കിലോ സമർപ്പിക്കേണ്ടതാണ്. സമ്മാനം ലഭിക്കുന്നതിന് മുമ്പ്, വിജയികൾ ഗസറ്റിൽ പ്രസിദ്ധീകരിച്ചിരിക്കുന്ന ഫലവുമായി തങ്ങളുടെ ടിക്കറ്റ് ഒത്തുനോക്കി ഉറപ്പുവരുത്തേണ്ടതാണ്.
